२ मार्च २०१२
मथितार्थ
नक्षत्रांचे नाते
वेध राजकारणाचा
सत्ताकारणाचे शहाणपण...
विचार पक्का, पण दिशा अनिश्चित रिपब्लिकन राजकारणाचा खेळखंडोबा
विज्ञान दिन विशेष
मराठी विज्ञान परिषद वसा विज्ञान प्रसाराचा!
भारतातून दोन मराठी तरुणांनी घेतला धूमकेतूंचा धांडोळा
विज्ञान समजून घ्या
विज्ञान दिनाचे ‘आयुका’ मॉडेल!
वैज्ञानिक दृष्टिकोन काळाची गरज
रोजच राष्ट्रीय विज्ञान दिन हवा!
विज्ञान म्हणजे काये रे भाऊ?
इलेक्ट्रॉनिक मतदान यंत्र बचावली हजारो झाडे!
गोष्ट परिष्कृत गॅसिफायरची
पुस्तकं-बिस्तकं
टाक धिनाधिन
हॉकी
दुर्गाच्या देशा
फ्लॅशबॅक
अरुणाज रेसिपीज
सिनेशताब्दी
आयुष्यावर वाचू काही
श्रीकांत नूलकरच्या अतक्र्य कथा
क्रिकेटनामा
सीमापल्याड
शिल्प
शॉपिंग
केल्याने रोषाटन
दबंगवाणी
वाचक प्रतिसाद
भविष्य
संपर्क
मागील अंक

दबंगवाणी

नाते

बोलता बोलता
म्हणाला चुलता
पुतण्या भलता
त्रासदायी

किती केले आम्ही
बघा त्याच्यासाठी
तरी तोच काठी
उगारतो

‘गोपी’ म्हणे ‘नाथ’
दुफळी घरात
वेदना उरात
साठलेली

माझेच ‘कमळ’
हुंगतात ‘टगे’
बघतात बघे
हाल माझे
‘बारा-मती’ मंद
बघा त्यांची एकी
नाही वजाबाकी
केली त्यांनी

त्यांचे ‘भुजबळ’
अजून कायम
त्यांना हा नियम
लागू नाही

पुतण्याने तेव्हा
व्यक्त केला त्रागा
म्हणे आम्ही दगा
नाही दिला

मनात आमुच्या
विचार सारखे
आम्हाला परके
समजती
माझे बाबा किती
विद्वान ‘पंडित’
त्यांनाही कोंडीत
पकडले

म्हणुनिया केला
नवा घरा ठाव
सांगा तुम्ही राव
चुकले का?

 

‘सेनापती’सुद्धा
सांगतात आता
मनातले ‘राज’
जनतेला
‘मातोश्री’सारखा
जीवही लावला
सदैव ठेवला
काळजात

वैरी झाला ‘बाण’
आता ‘धनुष्या’चा
नाही मनुष्याचा
भरवसा

‘इंजिना’ला डबे
नाही तू जोडले
नातेच तोडले
कायमचे

पुतण्याची तेव्हा
झाली तगमग
त्याने लगोलग
सांगितले
सांगता येईना
सहन होईना
अशी माझी दैना
झाली होती

अजब ‘उद्धवा’
तुझे सरकार
माझेसाठी दार
बंद केले

वैतागला जीव
कासावीस प्राण
हे नवनिर्माण
म्हणूनच

 

भांडणे बघून
गहिवरे मन
वाटले आपण
बोलू काही

सखा म्हणे देवा
असे कसे होते
तुटू नये नाते
कुणाचेही
अ‍ॅड. अनंत खेळकर